Langit I

Ang Dios sa gugma dili lang magdala sa kada tumuluo ngadto sa dalan sa kaluwasan kondili magpadayag usab sa mga sekreto sa langit.

Sa pinakaminos kausa sa panahon sa kinabuhi, ang usa ka tawo mahimong may mga pangutana sama sa, "Asa man ko padulong human ang kinabuhi niining kalibotan?" o "Tinuod ba nga adunay langit ug impiyerno?"
Daghang mga tawo ang nangamatay na nga wala pa makapangita og mga tubag sa ingon ngadtong mga pangutana, o bisan pa sila nagtoo sa masunod nga kinabuhi, dili ang tanan ang makaangkon og langit kay dili ang tanan adunay tarong nga kahibalo. Ang langit ug impiyerno dili usa ka pantasya, kondili usa ka katinuoran sa espirituhanon nga kalibotan.

Sa usa ka bahin, ang langit usa ka maanyag kaayo nga dapit nga dili matandi sa bisan unsang butang niining kalibotan. Labina, ang kaanyag ug ang kalipay sa Bag-ong Herusalem, kon asa ang Trono sa Dios nahamtang, dili igo nga mahubit kay kini gibuhat sa pinakamaayong mga materyal ug uban ang langitnon nga mga kabatid.
Sa pikas nga bahin, ang impiyerno puno sa walay katapusan, masulub-on nga kasakit, ug matunhayon nga pagsilot; ang makahaladlok nga kamatuoran niini gipatin-aw sa detalye sa libro nga Impiyerno. Ang langit ug ang impiyerno nahibaloan pinaagi ni Hesus ug ang mga Apostol, ug bisan karong adlawa, sila gipakita sa detalye pinaagi sa mga tawo sa Dios nga adunay mga tim-os nga mga pagtoo diha Niya.

Ang langit mao ang dapit kon asa ang mga anak sa Dios malipay sa kinabuhing dayon, ug dili-mahanduraw, maanyag, ug kahibulongan nga mga butang ang giandam alang kanila. Imo untang mahibaloan kini sa detalye kon motugot lang ang Dios nga ipakita kini nimo.

Padayon ko nga nag-ampo ug nagpuasa alang sa pito ka tuig aron mahibaloan kining langit ug nagsugod og dawat og mga tubag gikan sa Dios. Karon ang Dios nagpakita pa nako og mas halawom pa nga daghang mga sekreto sa espirituhanon nga kalibotan.

Kay tungod nga ang langit dili makita, lisod kini kaayo ihubit ang langit uban ang lengguwahe ug kahibalo niining kalibotan. Adunay sad og mga dili-tarong nga pagsabot mahitungod niini. Mao kana nganong dili masugid sa detalye sa apostol nga si Pablo ang mahitungod sa Paraiso sa Ikatulong Langit nga iyang nakita sa usa ka panan-aw.
Ang Dios nitudlo sad nako og daghang mga sekreto mahitungod sa langit, ug sa daghang mga bulan niwali ko mahitungod sa malipayon nga kinabuhi ug nagkalain-lain nga mga dapit ug mga balus sa langit sumala sa gidak-on sa pagtoo. Pero, dili nako mawali ang tanan nakong natun-an sa detalye.

Ang rason nganong mitugot ang Dios nga ipahibalo ang mga sekreto sa espirituhanon nga kalibotan pinaagi niining libro mao aron mahimong maluwas ang pinakadaghang mga kalag ug dal-on sila ngadto sa langit, kon asa matin-aw ug maanyag morag kristal.

Akong gihatag ang tanang pagpasalamat ug himaya sa Dios alang sa pagtugot nako nga imantala ang Langit I: Matin-aw ug Maanyag morag Kristal, usa ka paghubit sa usa ka dapit nga matin-aw ug maanyag morag kristal, nga gipuno sa himaya sa Dios. Akong gilaum nga makasabot ka sa dakung gugma sa Dios nga magpakita nimo sa mga sekreto sa langit ug dal-on ang tanang tawo ngadto sa dalan sa kaluwasan aron maangkon usab nimo kini. Akong usab gilaum nga mudagan ka ngadto sa tuyo nga usa ka kinabuhing dayon sa Bag-ong Herusalem.
Nagpasalamat ko kang Geumsun Vin, ang Direktor sa Editoryal nga Bureau ug ang iyang mga katabang, ug ang Taghubad nga Bureau alang sa ilang lisod nga trabaho sa pagmantala niining libro. Nag-ampo ko sa ngalan sa Ginoo nga pinaagi niining libro, daghang mga kalag ang maluwas ug malipay sa walay katapusan nga Bag-ong Herusalem.