Böcker av Miko Akihiro

Ikaw ba ay umiibig at iniibig, nahulog ngunit hindi sinalo, pinaniwala subalit pinaasa, nagmahal datapwat nasaktan, nanatili bagamat iniwan, nakalimot pero may pait pa ring nararamdaman? Anoman ang iyong karanasan sa pag-ibig, tiyak na... May Tula Para Sa Iyo. Ito ay koleksiyon ng mga tula tungkol sa pag-ibig at ilang bahagi at saklaw nito.

May kaniya-kaniya tayong dahilan kung bakit tayo nagpapalaya. May nagpapalaya upang magparaya para sa kaligayahan ng iniibig. May nagpapalaya upang hindi na makasakit ng damdamin ng sinisinta. May nagpapalaya upang kalimutan ang nakaraan at magsimula ng bagong kabanata. May nagpapalaya upang hanapin ang sarili at dito mismo ay maging malaya. Minsan, may mga taong dumadating sa ating buhay na akala natin, sila na ang nakatakdang makasama natin habambuhay. Subalit, maaaring dumating sila upang ituro sa atin kung ano talaga ang pag-ibig, kung paano masaktan nang dahil sa pag-ibig, at kung paano muling umibig. Sa kabila ng mga ito, ang mahalaga ay alam natin kung kailan tayo mananatili at kung kailan tayo magpapalaya. Ang Sining ng Pagpapalaya ay koleksiyon ng maikling kuwento tungkol sa iba't ibang uri at paraan ng pagpapalaya.